საქართველოს განათლებისა და მეცნიერების სამინისტროს მიერ ორგანიზებული პირველი ღია მეცნიერების ფორუმის ფარგლებში, 2 ნოემბერს, საქართველოს სამეცნიერო-საგანმანათლებლო კომპიუტერული ქსელების ასოციაცია „გრენა”-მ ჩაატარა EOSC-ის მე-2 ეროვნული გავრცელების ღონისძიება.

ფორუმი საქართველოს განათლებისა და მეცნიერების სამინისტროში გაიმართა და მას ჯამში 120 მონაწილე ესწრებოდა როგორც პირადად, ასევე ონლაინ რეჟიმში. მისასალმებელ სიტყვაში საქართველოს განათლებისა და მეცნიერების მინისტრის მოადგილემ, ქალბატონმა ნუნუ მიცკევიჩმა აღნიშნა საქართველოში ღია მეცნიერების პრაქტიკის განვითარების მნიშვნელობა.

ღონისძიებაზე შეიკრიბნენ კვლევითი და საგანმანათლებლო საზოგადოების წარმომადგენლები. ღონისძიებაზე მომხსენებლები იყვნენ რამაზ ქვათაძე „გრენა“-დან, მარინა რაზმაძე ინსტიტუტიდან ტექინფორმი, ნინო პავლიაშვილი საქართველოს ეროვნული სამეცნიერო ბიბლიოთეკიდან და ირმა ხაჩიძე ივანე ბერიტაშვილის ექსპერიმენტული ბიომედიცინის ცენტრიდან.

EOSC-ის მე-2 ეროვნული გავრცელების ღონისძიება დასრულდა პანელური დისკუსიით, რომელშიც მონაწილეობდნენ ადგილობრივი და საერთაშორისო საზოგადოების წარმომადგენლები. მონაწილეებმა გამოხატეს დიდი ინტერესი ევროპის ღია მეცნიერების EOSC-ის მიმართ, აქტიურად ჩაერთვნენ დისკუსიაში და დაინტერესდნენ სამომავლო შეხვედრებზე დასწრებით.